ቦክስሆልም ምስ ሓያሎ ዓበይቲ ከተማታት፣ ወደብ፣ መዓርፎ ነፈርቲ ከምኡ ውን ኡኒቨርሲትይ ቅርበት ኣለዋ። ባህርያዊ ተፈጥሮ ቦክስሆልም ከም ቀላይ ሶመን ዝኣመሰሉ ንዛንታ ኢሉ ዝተዳለወ ውቃበ ዘለዎ ምልኩዕ ከባቢ ኢዩ። ሶመን ሓደ ካብቲ ናይ ሽወደን ዝዓበዩ ጽሩያት ቀላያትን ዳርጋ 300 ዝኾኑ ናእሽቱ ቀላያትን ዝርከቦ ውቁብ ከባቢ ኢዩ።

ዝያዳ ሓበሬታ ብዛዕባ ምምሕዳር ቦክስሆልም ኣብዚ መርበብ ሓበሬታ ኣለኩም። https://www.boxholm.se

ምምሕዳር ፊንስፖንግ ሓንቲ ካብተን ዓበይቲ ከተማታት ናይዚ ዞባ ራብዓይ ደረጃ ዝሓዘት ምምሕዳር ኮይና ሓንቲ ካብተን ሓያል ዕብየት እተርኢ ዘላ ኢያ። ፊንስፖንግ ናብቶም ኣገደስቲ ኣሰርትን ኣራኸብትን ቦታታት ከም መዓርፎ ነፈርቲ፣ ወደብ ከምኡ ውን ዩኒቨርሲቲ ቀሪባ እተደኮነት ከተማ ኢያ። ፊንስፖንግ 2,5 ማይል ካብ ኖርሾፒንግ ንምዕራብ ኮይና ኣብ ቀንዲ ጽርግያ ቁጽሪ 51 መስመር ኦረብሩ ትርከብ።

ዝያዳ ሓበሬታ ብዛዕባ ምምሕዳር ፊንስፖንግ ኣብዚ መርበብ ሓበሬታ ኣለኩም። https://www.finspang.se

ኣብ ሽንዳ ብዙሓት ማሕበራትን ባህ ዘብል ባህልን ኣሎ ። ኣብዚ ቦታ እዚ ኣብ ጥቓ ቐላይን ዱርን ኣብ ዚርከብ ባህ ዜብል ከባቢ ጽቡቕ መንበሪ ኽትረክብ ትኽእል ኢኻ። ሽንዳ ባህ ዜብል ተፈጥሮኣዊ ተመክሮ ዚህብ ልሙዕ ቦታ፣ ግራውቲ፣ ኣኽራናት፣ ቀላያትን ጫካታትን ኣለዋ። እቲ ሽንዳ ካናል ተባሂሉ ዝጽዋዕ መትረብ ሺንዳ ብማእከል መሬት ሽንዳ ሰንጢቑ ይውሕዝ።

ዝያዳ ሓበሬታ ብዛዕባ ምምሕዳር ሺንዳ ኣብዚ መርበብ ሓበሬታ ኣለኩም። https://www.kinda.se

ሊንክ ሊንሾፒንግ ናብ ካልእ መርበብ ሓበሬታ，ሓድሽ መኮት ብምኽፋት ናብታ ብስፍሓታ ብሃገር ደረጃ ሓሙሻይ ደርጃ ዝሓዘት ምምሕዳር ኣብል። ኣብዚ ምምሕዳር እዚ ሓደ ዓብን ንምዕባለ ዝመርሕ ዩኒቨርሲቲን，ባህ ዘብል ናይ ዕዳጋ ዕድላት ምስ ስልጡን ተክኒካዊ ምዕባለ ዘለዎም ሰፋሕቲ ናይ ስራሕ ትካላት ኣሎ። ርኢኻ ዘይምኖ ውቁብ ካተድራል፣ ዩኒቨርሲቲ ሊንሾፒንግ ብዕብየቱ ብሃገር ደረጃ ሓሙሻይ ደረጃ ዝሓዘ ኮይኑ ንኽልተ ዝተፈላለዩ ሳይንሳዊ መጽናዕትታት ኣራኺቡ ሓድሽ መጽናዕቲ ወይ መደምደምታ ናይ ምርካብ ብቕዓት ይፍለጥ።

ዝያዳ ሓበሬታ ብዛዕባ ምምሕዳር ሊንሾፒንግ ኣብዚ መርበብ ሓበሬታ ኣለኩም https://www.linkoping.se

ሚዮልቢ ሓንቲ ሰፊሕ ዝርግሐ ዘለዋ ምምሕዳር ኮይና ንመጻኢ እተሓዝአ ውሕስነት ዘለዎ ታሪኻዊ ሰረት እትውንን ምምሕዳር ኢያ። ኣብ ሚዮልቢ ናብራ ሓውሲ ገጠርን ንኡስ ከተማን እትኸስበሉ ከባቢ ኮይኑ ግን ከኣ ብባቡር ንሊንሾፒንግ 20 ደቒቕ ንኖርሾፒንግ ከኣ 45 ደቒቕ ጥራሕ ይወስድ። ሚዮልቢ ተደኲናትሉ እትርከብ ከባቢ ብሰንክቲ ዘለዋ ብሉጽ ናይ መራኸቢ ወይ መለጋግቦ ጽርግያታት ካብ ካልእ ዓለም ውን ርሕቕቲ ኣይኮነትን። እዚ ምምሕዳር እዚ ሰለስተ ማእከላይ ዓዲ ዘለዎ ኮይኑ ንሳተን ድማ ሚዮልቢ，ኸኒንገ ከምኡ ውን ማንቶርፕ ይበሃላ።

ዝያዳ ሓበሬታ ብዛዕባ ምምሕዳር ሚዮልቢ ኣብዚ መርበብ ሓበሬታ ኣለኩም https://www.mjolby.se

ምምሕዳር ሙታላ ኣብ ምዕራባዊ ክፋል ኦስተርጎትላንድ ትርከብ። ኣብዚ ምምሕዳር እዚ ብዙሓት ቀላያት ዝርከቦ ኮይኑ ዮታ ካናል ካብቲ ንከተማ ሞታላ ተጸጊዑ ዝርከብ ቀላይ ቨተርን ይብገስ። ገማግም ናይዚ ማያት ጽቡቓት ቦታታት ንመንበሪ ኣባይቲ ዝዕድም ውቁብ ከባቢ ኢዩ። ብምትሕብባር ናይ ክልተ ምምሕዳራት ማለት ምምሕዳር ቫደስተናን ሞታላን ከም ንኽልቲኤን ዘገልግል ኣገልግሎት መጥፋእቲ ሓዊ፣ ከምኡ ውን ሓደ ትካል ናይ ማይን ኣተሓሕዛ ጉሓፍን ብምግባር ሓባራዊ ተሳትፎ ኣሎ። ምምሕዳር ሞታላ ክልተ ማእከል ኣለዋ ንሳተን ድማ ኣብ ሞታላን ቦረንስባሪን ኢየን።

ዝያዳ ሓበሬታ ብዛዕባ ምምሕዳር ሞታላ ኣብዚ መርበብ ሓበሬታ ኣለኩም https://www.motala.se

ኖርሾፒንግ ሓንቲ ካብተን ዓሰርተ ዓበይቲ ከተማታት ሽወደን ኢያ። ከተማ ኖርሾፒንግ ብሰንኪ ጽፉፍ ኣተሓሕዛ፣ ሓድሽ ዳግመ ህንጻ ከምኡ ውን ውቁባት ህንጻታት ፋብሪካታት ጨርቂ ነጸብራቕ ናይ ዝሓለፈ ግዜ ይህባ። ከተማ ኖርሾፒንግ ብብዙሓት ጅራፊዮሪታት እትልለ ኮይና እቶም ናይ ዕምባባ ቦታታት ብልዑል ጥንቃቐ ይትሓዙ። ኣብ ምጅማር 2000 ዓ,ም ከተማ ኖርሾፒንግ ከም ጎረቤታ ከተማ ሊንሾፒንግ ናይ ዩኒቨርሲቲ ከተማ ወይ መልክዕ ሒዛ። ኖርሾፒን ምስ ከተማ ሊንሾፒን ብሓባር ራብዓይ ደረጃ ዝሓዘ ዞባዊ ዕብየት ኣለወን።

ዝያዳ ሓበሬታ ብዛዕባ ምምሕዳር ኖርሾፒንግ ኣብዚ መርበብ ሓበሬታ ኣለኩም https://www.norrkoping.se

ከተማ ሶደርሾፒን ካብ ምጅማር ማእከላይ ዘበን ሰረት ዘለዋ ከተማ ኮይና ሎሚ ልዑል ሰላምን ውቃበን እትውንን ንእሽቶ ከተማ ኢያ። ከተማ ሶደርሾፒን ብሓፈሻ ንማእከላይ ዘበን ዘንጸባርቕ ቅርጸ ጎደናታት ከምኡ ውን ክፋል ናይዛ ከተማ ዝተኣከቡ ዕቁባት ጥንታውያን ቅርጽታት ዕንጸይቲ ኣለዋ። እኩባት ደሴታት ቅስቲ ሃና ኣብ ግዜ ክረምቲ ንኽትነብረሉ እትሓልሞ ቦታ ኮይኑ ዓመት ምሉእ ንምንባሩ ምቹእ ምስ ኣገልግሎት መዋእለ ህጻናት፣ ቤት ትምህርቲ ከምኡ ውን ኣረጋውያን ዝነብርሉ ኣገልግሎት ዝህብ ምምሕዳር ኢዩ። ምምሕዳር ሶደርሾፒንግ ካብ ገምገም ማይ ወይ ባሕሪ ክሳብ ውሽጢ መሬት ሽወደን ዝርግሐ ኣለዎ።

ዝያዳ ሓበሬታ ብዛዕባ ምምሕዳር ሶደርሾፒን ኣብዚ መርበብ ሓበሬታ ኣለኩም https://www.soderkoping.se

ምምሕዳር ቫደስተና ኣብ ገጽ ናይቲ ብስፍሓቱ ካብ ሽወደን 2ይ ደረጃ ሒዙ ዝርከብ ቀላይ ቨተርን ዝርከብ ሰሓቢ ከባቢ ናይ ዞባ ኦስተርጎትላንድ ተዶኲና ትርከብ። ኣብዚ ቦታ እዚ ፍልይ ዝበለ ታሪኻዊ ሃዋሁው ኣሎ፣ ብዓብዪኡ ኸኣ ካብ መበል 1800-1900 ክፍለ ዘመን ኣትሒዙ ብጥንታውነት እተሰርሐ ህንጻታት ዝሓቘፈ ኢዩ እንተዀነ ግን ኣብ ማእከላይ ዘመን ሰረት ዘለዋ ኸተማ ስለ ዝዀነት ካብቲ ግዜ እቲ ኣትሒዙ ዝተዓቀበ ህንጻታት እውን ኣሎ። ኣብ ማእከልዛ ከተማ ኣዳራሽ ምምሕዳር ከተማ ኣሎ፣ እዚ ኣዳራሽ እዚ ኸኣ ካብ መበል 1400 ዘመን ኣትሒዙ ብጥንታውነቱ ካብ ሽወደን ቐዳማይ ቦታ ሒዙ ኣሎ። ምምሕዳር ቫደስተና ጽቡቕ መንበሪ ኣባይትን ባህ ዘብል ባህልን ተፈጥሮኣዊ ተመክሮን ይህብ።

ዝያዳ ሓበሬታ ብዛዕባ ምምሕዳር ቫደስተና ኣብዚ መርበብ ሓበሬታ ኣለኩም https://www.vadstena.se

ምምሕዳር ኢድረ በቲ ዘለዋ ባህ ዘብል ከባብን ተፈጥሮን እትኾርዕ ምምሕዳር ኢያ። ቀላይ ሶምመን ከም ሉል ወይ ዑንቊ ባሕሪ ዝተቐመጠ ኮይኑ ኢድረ ኣብ ዙርያኡን ኣብ ዙርያ ናይተን ኣብቲ ከባቢ ምምሕዳር ዚርከባ ካልኦት ቀላያት ትርከብ። ኣብዚ ቦታ እዚ ምግፋፍ ዓሳ ዝካየደሉ ማያት፣ መዓስከር በጻሕቲ፣ ስሕበት ዝፈጥር ባህሊ ዘለዎ ኸባቢ ከምኡውን ባህታ ዝሰፈኖ ናይ መዛወሪ ቦታታት ይርከብ። ኣብ ጽድያን ቀውዕን ኣብ ዱር ወይ ጫካታት ኢድረ ብዙሕ ዕሲታትን ወይ ቃንጥሻን ፍረታትን ኣሎ። እዚ ኸምዚ ኢሉ ኸሎ ነቲ ኣጋጣሚ ተጠቂምካ ንገለ ኻብቲ ኣብ ጽውጽዋያትን ኣፈ-ታሪኽን ኢድረ ተገሊጹ ዘሎ ቦታታት ክትበጽሖ ትኽእል ኢኻ።

ዝያዳ ሓበሬታ ብዛዕባ ምምሕዳር ቫልድማርስቪክ ኣብዚ መርበብ ሓበሬታ ኣለኩም https://www.ydre.se

ምምሕዳር ኦትቪዳበርግ ኣብ ማእከል ኦስተርጎትላንድ እዩ ዚርከብ ። ዶብ ምምሕዳር ኦትቪዳበሪ ኻብ ሊንኮፒን ብገምጋም 1.5 ማይል ርሒቑ ይርከብ። ኦትቪዳበርግ ኣብ መንጎ ገምገም ባሕርን ዓብይ ከተማን እትርከብ ጽቡቕ ተፈጥሮ ቀላያት፣ ምሕምባስ ከምኡውን ሃብታም እንስሳን ዘገዳምን ዘለዎ ዕዉት ቦታ ኣለዋ። ኦትቪዳበርግ ስሕበት ዘለዎ መሳርሒታት ዘፍሪ ኢንዱስትሪን መሳጢ ታሪኽ ኵዕሶ እግርን እትውንን ውሑስን ምቹን ሃዋሁው ዘለዎ መንበሪ ኣባይቲ፣ ቤት ትምህርቲ፣ ማእከል መዘናግዒ ቦታታት ከምኡውን ከባቢ እትውንን ምምሕዳር ኢያ።

ዝያዳ ሓበሬታ ብዛዕባ ምምሕዳር ቫልድማርስቪክ ኣብዚ መርበብ ሓበሬታ ኣለኩም https://www.atvidaberg.se